Narración oral, tradición oral de llavaderos, cuentos, cantares, anécdotes, alredor d’un espaciu, emblema d’alcuentru d’otres dómines.
El so propósitu ye recuperar la memoria oral, tradición oral y narración oral alrodiu los llavaderos, como espacios de convivencia.
Oxetivos
Usar estos espacios, singulares en sí, pa desenvolver esta actividá y:
- Xenerar espacios d’intercambiu interxeneracional.
- Facer visibles a les muyeres que desendolcaben el so llabor diariu nos llavaderos, ye decir, a les nueses madres y güeles. Da-yos voz, recordales y da-yos el llugar que merecen na hestoria de los pueblos.
- Recuperar los espacios etnográficos emblemáticos de los pueblos como son los Llavaderos.
- Asoleyar una Web colaborativa onde poner tolos llavaderos de Samartín del Rei Aurelio, semeyes, xeolocalización, hestoria, feches de construcción y/o remodelación, hestories rellataes transcrites n’audiu o video. Les vecines y vecinos van poder unviar a la web tolos datos venceyaos a llavaderos del conceyu, que van dir espublizándose y completando esti inventariu, que va tar a disposición pública.
¿Por qué un alcuentru participativu?
Por xenerar participación, na cultura ye bien importante que toles persones siéntanse parte de la mesma. Queremos unos espacios pa compartir, pa la convivencia ente toes y toos , vecines y vecinos, o visitantes que s’averen, qu’apurran les sos conocencies, les sos alcordances, y que lo vean afiguráu nun trabayu colaborativu.
Les sesiones de narración profesional tamién van ser un espaciu de participación especial pa toles edaes.
